Dagur Hagsins

Já það er mikið búið að gerast í dag í félaginu okkar Hagur Hafnarfjarðar, mikið búið að hringja, kommenta og senda tölvupóst til okkar. Það er frábært og takk fyrir það, endilega halda því áfram.  Ingi formaðurinn okkar var á Rás2 í dag og á Ísland í dag í kvöld, verður svo í Ísland í bítið í fyrramálið. Það er alltaf gaman að fá viðbrögð við því sem maður gerir, það þýðir að fólk er að fylgjast með okkur og hefur áhuga á því, hvort sem svo sá áhugi er jákvæður eða neikvæður. Það er öllum hollt að skiptast á skoðunum, þannig sjáum við allar hliðar málsins.

Takk í dag 

Athugasemdir

[Haukur Kristinsson (IP-tala skráð) 26.2.2007 kl. 23:37]

finnst þetta vera besta framlag okkar stuðningsmanna til stækkunar álversins,takk fyrir að standa með okkur starfsmönnum alcan, ekki veitir af góðum stuðningsmönnum, svo er bara að kynna hafnfirðingum staðreyndir um svona rekstur, þá sjá þeir ljósið og kjósa með stækkun

[Sigurður Egill Þorvaldsson, 27.2.2007 kl. 00:12]

Var að hlusta á viðtalið við Inga.  Hann stóð sig frábærlega.

Kveðja

Sigurður Egill 

[Sigurður (IP-tala skráð) 27.2.2007 kl. 01:19]

Halló ég heiti Sigurður og bý í Hafnarfirði.mig langar að koma á framfæri skoðun minni á þessari álversumræðu allri en ekki sem hafnfirðingur heldur sem íslendingur því þessar fyrirhuguðu framkvæmdir hafa áhrif á fleirri en okkur hér í firðinum eða er það rangt hjá mér að það þurfi fara í frekari virkjanaframkvæmdir til að skaffa meira rafmagn til dæmis?

ég er ekki tilbúinn að fórna landinu mínu á altari mammons,þið viljið ávaxta ykkar pund sem mest eðlilega skil ég það og þið hafið meira að segja rétt á því en þið hafið ekki rétt á að svipta okkur landinu sem við unnum,ég kem til með að segja nei við stækkun álversins og byggingu fleirri virkjana þar til að  fram komi umhverfisvæn aðferð til að framleiða ál því þott rafmagnið sé framleitt á umhverfisvænan hátt þá er sjálf álversframleiðslan mengandi og ég hef enga löngun til að hafa það í bakgarðinum hjá mér,hvað þá að ég vilji að landið verði ein ruslakista áliðnaðar framtíðinar því það kemur að því að ál fellur í verði vegna offramleiðslu í heiminum græðgi iðnaðarins sér fyrir því,byltingin étur alltaf börnin sín og talandi um börn þá eru barnaskólar í næsta nágreni við álverið og með stækkun verða þeir enþá nær,mér finnst ákveðin skammsýni í þeim málum öllum.mér er líka spurn um aðra skammsýni,ef af stækkun verður hverjir eru þá vaxtarmöguleikar hafnarfjarðarbæjar?

það verður óneitanlega doldið þröngt um byggingarlóðir því það útilokar að bærinn vaxi til suðurs ég efast um að þið viljið búa inná þynningarsvæði verksmiðjunar ekki ætla öðrum það heldur en við getum náttlega innlimað garðabæ kópavog og reykjavík málunum reddað býst ég við.mér finnst það ákveðin hræsni og líka smá kaldhæðni að kalla samtök ykkar Dagur Hagsins það má útleggja það á annan hátt líka, meiri pening..núna!

Ég vel Grænt Ísland,ég segi nei.