Gömul hugsun - Ný frétt

Það rifjaðist upp fyrir mér þegar ég sá þessa frétt pínulítið sem pirraði mig rétt eftir heimsmeistarakeppnina í handbolta. Sá smá pistil þar sem Gaupi fullyrti að íslendingar vissu ekki hvað Alfreð Gíslason væri góður þjálfari.

Ég held nefnilega að ef einhver hefur ekki vitað það fyrir heimsmeistarakeppnina að Alfreð væri með bestu þjálfurum í heimi, að þá vissi hann það alveg örugglega eftir heimsmeistarakeppnina. Alfreð sýndi þar og sannaði að hann er með þeim allra allra bestu í heimi og fréttin í morgun í Fréttablaðinu sannar það bara enn og aftur. Góð saga er aldrei of oft sögð.

Gaupi er ekki sá eini sem vissi þetta en lét það líta svoleiðis út að við værum svo vitlaus að sjá þetta ekki en hann svo gáfaður. Það er hans heimska.....ekki mín...