Þegar ég fer í framboð...

...og kemst í bæjarstjórn Hafnarfjarðar, ekki nema þrjú ár í það, þá ætla ég að stuðla að byggingu tónlistarhúss sem verður sérhannað fyrir popp og rokkmúsík. Þar verður að sjálfsögðu hægt að spila klassík ef menningarvitum sýnist svo, en einnig verður það leiklistarhús okkar hafnfirðinga, bíóhús og fundarhús. Það er sorglegt að í 24 þúsund manna bæ sé ekki til mannsæmandi fundarstaður. Hafnarborg er reyndar mjög góð, svo ég taki það nú fram, en það er svo mikið gott að gerast þar að hún ræður bara ekki við alla eftirspurnina. Þá er bíóhúsið næst í röðinni sem er að hruni komið. 

Fleiri málefnaflokkar síðar...nógur er tíminn...ennþá...

Athugasemdir

[Ágúst Dalkvist, 23.3.2007 kl. 19:50]

Þetta líkar mér, strax komin með vísir að stefnuskrá. Ætlar greinilega ekki að bjóða þig fram sem samfylkingarkona

[Sigurður Egill Þorvaldsson, 23.3.2007 kl. 20:04]

Ég styð allar Jóhönnur í pólitík.

[Árelíus Örn Þórðarson, 23.3.2007 kl. 21:13]

Frábært.

 Ég styð Jóhönnu í framboð.

Kveðja.

[Jóhanna Fríða Dalkvist, 24.3.2007 kl. 12:37]

Takk takk, þá vantar bara að þið flytjið í Hafnarfjörðinn svo ég fái allavega fjögur atkvæði. Fjögur atkvæði eru nú góð held ég strax á fyrsta sólarhringnum. Ef ég fæ fjögur atkvæði á sólarhring þangað til, fæ ég hátt í fimm þúsund atkvæði sem er næstum þriðji partur atkvæða í Hafnarfirði

[Herdís Sigurjónsdóttir, 24.3.2007 kl. 13:23]

Ekki slakt og þegar þú ferð svo í framboð til alþingis, þá get ég kosið þig líka .....

[Ágúst Dalkvist, 25.3.2007 kl. 11:00]

Þú þurftir bara að fylgjast með síðustu 16 ár Arnþór til að vita hana

[Andrés.si, 25.3.2007 kl. 13:59]

Hvað með íþrottahús FH? Mér finst að þar á ferðini er  stór tap sem bær á að greiða fyrir. Alla vega að hluta held ég.