RÚV af auglýsingamarkaði?

Ég hef ekki alveg myndað mér skoðun á því hvort ég vilji RÚV af auglýsingamarkaðnum. Ég skil vel rökfærslurnar og get auðvitað ekki annað en verið sammála þeim að mestu en hvað gerist ef RÚV verður ýtt þaðan í burtu?

Mér skilst að RÚV sé að undirbjóða aðra þannig að þeir fá ekki nógar tekjur fyrir hverja auglýsingu. Því skil ég það þannig að ef RÚV hættir auglýsingum muni hinir hækka auglýsingagjöld sem þýðir aukin kostnað fyrir auglýsendur. Hver kemur til með að borga þann kostnað? Erum það ekki alltaf á endanum við? Fer ekki kostnaðurinn út í vöruverð? Ef svo er, vildi ég heldur þurfa að borga fyrir Skjá1 heldur en að taka auglýsingar af RÚV og fá ennþá fleiri auglýsingar á Skjáinn, nóg er af þeim þar fyrir. Er réttlátt að allir landsmenn borgi auglýsingar sem þeir sjá ekki? Skjár1 næst ekki um allt land svo þannig yrði það.

Hefur fólk almennt hugsað um þetta eða skrifar það undir bara af því að það er í tísku að mótmæla þessa dagana?

Athugasemdir

[Jón Ólafur Vilhjálmsson, 18.11.2008 kl. 17:40]

Ég hef bloggað um þetta

Það er alltaf sama sagan þegar fyrirtæki sem eru í eigu ríkis og sveitafélaga eru í rekstri sem þau hafa verið í til margra ára og í mörgum til fellum er skylt samkvæmt lögum að sinna ákveðnum málaflokkum . Þá koma einkafyrirtæki og reyna að hersla sér völl á sama vetfangi, svo kæra þau til samkeppnisyfirvalda ójafna samkeppni en hver kom á markaðinn á undan og hver ber skyldurnar þessir aðilar hafa komið inn á völin vitandi um það sem þar var fyrir ,svo gengur reksturinn ekki sem skyldi af mörgum ástæðum allt eftir eðli starfseminnar þá skal hið opinbera fyrirtæki stíga til hliðar til að auka rími fyrir einkafyrirtækinu . Þessu er ég alfarið á móti það er ekki eðlilegt að þau fyrirtæki sem bera skyldur samkvæmt lögum séu sett til hliðar fyrir stundargróða einkafyrirtækja.

Ríkisútvarpið er nýjasta dæmið það á að fara af auglýsinga markaði svo aðrir geti lifað en er það víst að það bjargi hinum nei það er ekki endalaust pláss fyrir fjölmiðla . Með fullri virðingu fyrir stöð2 þá man ég ekki eftir öðru en hún hafi nánast rúllað á nokkra árafresti og meira seigja var næstum búinn að fella Verslunarbankann einausinni þá er búið að skipta um nafn á rekstrafélaginu óteljandi sinnum  síðan kemur skjár1 þar kom heilmikið fé inn frá Landsímanum ekki dugði það síðan hafa komið fleiri og fleiri rásir.

Einkastöðvarnar hafa gert yfirboð í það efni sem Ríkisútvarpið hefur verið búið að markaðasetja . Það er mín skoðun að þessar einkastöðvar verði að sníða sér stakk eftir vexti hætta að bjóða yfir boð í efni sem Ríkisútvarpið hefur verið með svo sem Enska boltann formúluna og svo mætti telja  stafsfólk sem hefur náð áhorfi hjá Ríkisútvarpinu það er líka yfirboðið. Búið til ykkar eigið andlit og hættið að elta Ríkisútvarpið látið það í friði. 

[Jóhanna Fríða Dalkvist, 18.11.2008 kl. 17:47]

Takk fyrir þetta, þetta er einmitt málið. Einnig vil ég líka bara stundum sjá auglýsingar, það koma inn á milli auglýsingar sem maður þarf og/eða vill sjá. Eins og þú segir þá á maður eftir að sjá að þetta hafi úrslitaáhrif með rekstur stöðvanna, svo yrði þá ekki næsta skref að selja áskrift að Skjá1?

[Ágúst Dalkvist, 23.11.2008 kl. 21:29]

En hvernig væri að banna rúv að gefa afslátt á auglýsingum?

Auglýsendur þurfa að ná til allra landsmanna stundum og því út í hött að taka þá út af auglýsingamarkaði.