Ég hefði nú frekar viljað að íslendingar keyptu

Það hefði verið gaman að sjá íslendinga kaupa Liverpool, ég hefði verið til í að leggja til nokkra þúsundkalla í púkkið...en kannski seinna

Bandaríkjamenn að eignast Liverpool

Hagsæld í Hafnarfirði

Ég fór á stefnumót fyrirtækja í Hafnarborg síðasta föstudagsmorgun sem nefndist Hagsæld í Hafnarfirði. Þar kom margt fram sem almenningur kannski ekki veit en þyrfti að vita. Ég sá því miður ekki fréttirnar um kvöldið en mér skilst að þar hafi verið snúið út úr flestu sem kom fram eða klippt til þannig að önnur merking og útkoma var fengin.

Þær upplýsingar sem ég fékk á fundinum voru m.a. þessar:

Lúðvík Geirsson talaði fyrstur og fór yfir ferlið sem Alcan hefur verið í undanfarin ár. Hann sagði okkur frá nýja deiliskipulaginu sem við erum að fara að kjósa um og sýndi okkur myndir. Mér leist mjög vel á þetta og satt best að segja miklu betur en ég átti von á og er ég þó eindregið hlynnt stækkun. Með auknum mengunarvörnum verða viðmið brennisteins lækkuð um ca helming. Þynningarsvæðið er minnkað um meira en helming og sýndi hann myndir og færði rök fyrir hvernig það var hægt. Sjónmengun verður minni og verð ég að segja að myndirnar voru mjög flottar sem hann sýndi. Byggingar sem áttu upphaflega að standa við Hafnarfjarðarenda Kerskálanna færast inn á milli skála. Trjámanir verða settar allavega þeim megin sem snýr að Hafnarfirði, sem minnkar töluvert sjónmengun og hávaðamengun ef þá einhver er. Áhersla verður semsagt lögð á hönnun og ásýnd svæðisins og sýnist mér að við getum verið verulega stolt af verksmiðjunni þegar hún verður fullkláruð, allt umhverfið til fyrirmyndar, eins og það reyndar er í dag í sambandi við umgengni og umhirðu. Ennfremur verður virk vöktun á loftmengun og verða staðsettar alls fjórar mengunarstöðvar allt í kringum verksmiðjuna, m.a. uppi á Holti og á Völlunum.

Þetta var það helsta sem mér fannst markverðast hjá Lúðvík og finnst mér þetta ansi markvert og spennandi, hlakka til að sjá meira þegar þetta verður kynnt betur.

Segi ykkur meira skemmtilegt af fundinum við fyrsta tækifæri.

eruð þið svo hissa á unglingavandamálum?

þegar þessi grey þurfa að upplifa oft á sínum barns- og unglingaárum að hljómsveitir hætta, söguhetjur deyja og ísinn klárast í sjoppunni, hvar endar þetta eiginlega.

Nú er mér nóg boðið, hingað og ekki lengra, látum allar sögur enda vel, hljómsveitir mega ekki hætta ef þær ná á topp 20 á vinsældarlista (sjá Rolling Stones ) og foreldrar, þið verðið að eiga nógan ís í kistunni.

Lifum heil...á geði 

Hvað ef Harry Potter deyr?

að þeir skuli voga sér að nota hraðsendingu...

Agalegt að nýta sér hraðsendingar með þessu á móti, ég er bara orðlaus, eru engin takmörk á samviskuleysi fólks, mér er nú barasta spurn...

108 grömm af kókaíni í hraðpósti frá Guyana

best í heimi...

af hverju megum við ekki bara miða allt við höfðatölu, er það svo slæmt ?

Þegar ég sé svona verð ég svo agalega stolt yfir að þessir menn komi frá litla Íslandi, erum við ekki bara best í heimi...miðað við höfðatölu? 

Heiðar í liði vikunnar

ómöguleg spákona

Það á greinilega ekki fyrir mér að liggja að vera spákona enda fræg fyrir að tapa öllum veðmálum sem ég tek þátt í. Ég sagði að Guðjón Valur færi í heimsliðið og ég fer ekki ofan af því að mér finnst að hann hefði átt að vera í því, þessir menn eru bara eitthvað skrýtnir...

En ég spáði þó Þjóðverjum heimsmeistaratitlinum og hafði rétt þar, enda veðjaði ég ekki við neinn...geri það næst...og verð forrík...

Guðjón Valur ekki í úrvalsliði HM

Just a Gigolo

mér finnst nú ótækt annað en að þessir láti sjá sig í Egilshöllinni, vona að einhver athafnamaður lesi þetta og hringi strax í þá

David Lee Roth til liðs við Van Halen á ný

"vaaaaáá" er það eina sem mér dettur í hug

Snilldarleikmenn sem við eigum, ótrúlega góður árangur. Sýnir auðvitað að okkur vantar fleiri leikmenn til að skora mörk svo allur þunginn sé ekki á fáa einstaklinga. En þvílíkur kraftur að skora allt þetta með allan þennan þunga á herðunum. Líka gott að sjá að það eru fleiri en Óli Stef sem taka þungan á sig. Ég á bara ekki til orð til að lýsa hrifningu minni á handboltaliðinu okkar, hrifning mín er alger

Guðjón Valur markakóngur á HM

góður húmor ;)

ótrúlega góður húmor að setja upp yfirvaramotturnar til heiðurs þjálfaranum, þjóðverjar eru greinilega ekki alveg húmorslausir eins og oft er talað um, gott að sjá það.

Af hverju er talað um að þeir séu heimsmeistarar í þriðja sinn þegar austur-þjóðverjar hafa orðið heimsmeistarar einu sinni, eru það ekki þjóðverjar? Mér finnst þetta lykta eins og vestur-þjóðverji láti þetta út úr sér. En það er nú bara ég...

HM: Þjóðverjar heimsmeistarar í þriðja sinn

Hvers konar fyrirsögn er þetta nú...

hahaha frekar fyndin frétt og fyrirsögn. Það kemur óbeint fram hver vann mótið, Ernie Els að ná sér eftir meiðsli og stendur sig frábærlega en fyrirsögnin segir ekki neitt um það. En alvarlegasta málið er auðvitað að Woods þurfti að spila með sólgleraugu í fyrsta sinn og ekki af því að sjónin er eitthvað stríða honum, nei heldur vegna sandroks sem ALLIR aðrir keppendur urðu að þola líka...agalegt mál það

Woods með sólgleraugu í keppni í fyrsta sinn