Góðar fréttir fyrir okkur

Þetta hlaut að fara svona, hefði verið fúlt ef Frakkar (liðið sem við burstuðum) hefðu unnið Dani (sem unnu okkur með heppni), auðvitað hlutu Danir að vinna fyrst þeir unnu okkur og frændur okkar þar að auki

Danir unnu bronsverðlaunin

Af ávöxtunum skuluð þér þekkja þá...

mig hefur oft langað til að læra að boxa, ekki til að boxa aðra
manneskju endilega heldur bara púða til að fá útrás og svitna rækilega
í leiðinni, held að þetta sé snilldar líkamsrækt. En af því að ég hef
ekkert gert í því ennþá og ekki horft neitt á box að ráði þá veit ég
ekki hvað yfirveltivigt er, veit það einhver ???

Laila Ali vann á rothöggi í 1. lotu

Rússar eru baaara snillingar

Sjáið þið það ekki fyrir ykkur hvað þetta hlýtur að hafa verið gaman fyrir björgunarmennina að bjarga hvorki meira né minna en 356 bliiindfullum rússum og sjötíu þeirra rífa bara kjaft og vilja taka veiðigræjurnar með annars færi þeir sig ekki rassgat...ja hérna, fögur er hlíðin ég færi mig ekki fet

Fullum veiðimönnum á ísjökum komið til bjargar

Frábær frammistaða

Þeir hafa gert ótrúlega hluti þessir strákar og eiga án efa eftir að gera enn meira í framtíðinni. Þvílíkar hetjur sem þeir eru að vera komnir svona langt, því þetta hafa ekki verið neinir smá leikir sem þeir hafa verið að spila. Tær snilld og ekkert annað. Guðjón Valur verður mjög trúlega markahæstur á mótinu og það hefur íslendingur aldrei afrekað áður. Sjaldan séð eins skemmtilegan handbolta í heildina á einu móti. Áfram Ísland

Guðjón Valur: Tapið fyrir Dönum situr djúpt í okkur

Liverpool ósigrandi að sjálfsögðu

Liverpool er auðvitað besta liðið, er kannski bara ekkert að flíka því nema fyrir sína heimamenn enda ótækt að fara að tapa á heimavelli. Við erum alltaf best í einhverju, ekki spurning

Liverpool og Everton skildu jöfn

sex manns til að skipta um peru...

ekki skrýtið þó ég hafi verið fimm mánuði, ætli þeir hafi sett sparperu?

J.Lo. heimtaði að skipt yrði um ljósaperur

hmmm góð spurning

ætli það þurfi ekki bara rafvirkja í það. Annars væri reynandi að skipta fyrst um þingmenn áður en skipt er um ljósaperu, þá gæti það gengið betur, tæki allavega styttri tíma heldur en þessi 5 ár sem þeir gefa sér í að skipta um ljósaperuna. Annars tók það mig 5 mánuði að skipta um ljósaperu hjá mér en ég setti svo að lokum sparperu þannig að ég sparaði helling á þessu

„Hvað þarf marga þingmenn til að skipta um ljósaperu?“

Efni í næstu "Útkall" bók

hahaha, skrýtið þó að það var bara eitt útkall, en sennilega hafa flestir verið með á nótunum og áttað sig á hvers vegna öskur komu frá ótrúlegustu íbúðum. Frábær leikur og ekki hægt að biðja um meiri skemmtun en þetta... þó sigur sé sætari en sykur þá var þetta hrein og tær snilld hjá strákunum. Áfram Ísland

Lögregla kölluð út vegna handboltaáhugamanna

Hvað ertu að hanga ?

Það er bannað að hanga í vinnunni, svo þetta er brilliant aðferð fyrir þá sem vantar að hanga. 

"hvað gerðir þú í ræktinni í dag?" - "æ, ég var bara að hanga"... svo nýjir tímar, ný viðhorf, gott að hanga. 

„Loftjóga“ vinsælt í New York

Frami minn í íþróttum

Ég var einu sinni rosalega góð í fótbolta, svo góð að ég vann stundum bræður mína sem löngum hafa verið taldir með þeim fremstu í þessari afbragðsíþrótt. Fótboltakeppnirnar okkar fóru fram í garðinum heima í sveitinni og spiluðum við ýmist einn á móti einum eða tveir á móti einum, fór eftir því hvort væri jafnara held ég. Ég komst svo langt á framabrautinni að ég var nokkur ár í sigurliði kvennaliðs ungmennafélagsins heima.

Þar kom sér vel að hafa spilað við tvo bræður í uppvextinum en eitt atriði var þó öðruvísi og munaði talsvert mikið um. Það var nefnilega þannig þegar ég spilaði við bræður mína að þá átti ég frekar auðvelt með að ná boltanum af þeim. Ég var óhrædd að láta vaða í þá og þegar þeir sáu mig koma, lítil tröllskessa öskrandi af löngun í boltann, sáu þeir sér oftast þann kostinn vænstan að hlaupa í burtu og skilja boltann eftir. Ef hinsvegar þeir ákváðu að safna í sig kjarki og taka á móti mér, lágu þeir yfirleitt öreigir eftir tveimur sekúndum síðar.

Þetta var ekki svona í ungmennafélagsboltanum, þar mætti litla tröllskessan ég öðrum og stærri tröllskessum og tæknitröllum líka þannig að þar snerist dæmið stundum við. Ég stóð sem klettur í vörninni þangað til ég var hlaupin niður af annarri tröllskessu og ef ég slysaðist til að fá boltann reyndi ég að koma honum sem fyrst frá mér og sem lengst í burtu. Þetta virkaði fínt og eins og ég sagði vorum við með besta liðið öll árin sem ég spilaði með. Ég hef annars haldið mig að mestu frá fótboltanum fyrir utan nokkur skipti með vaktfélögum mínum hjá Isal meðan ég vann þar. Komst líka að því á þessum stutta ferli mínum að sennilega væri frama mínum ætlað að skína skært á öðrum vettvangi.