Íslendingur í liði Dana

hef smá áhyggjur af þessu, íslendingur komin í lið Dana sem getur ekki haft annað í för með sér en að styrkja liðið þeirra  

Áfram Ísland, við vinnum frændur vora Dani þrátt fyrir að við leggjum þeim lið... 

HM: Eina örvhenta skytta Dana heltist úr lestinni

maður í manns stað

Slæmt að missa Roland en Hreiðar er frábær og kemur sterkur inn. Ætla ekki að breyta spánni nei nei, hún heldur enn...

Roland með ofnæmi og leikur vart gegn Dönum

Ah, þar brást mér aldeilis bogalistin

Greinilega ekki góð spákona þar sem hægt var að hrekja mína spádóma áður en einn einasti leikur var spilaður.

Taka tvö: Við vinnum Dani, spilum svo við Rússa, töpum fyrir þeim, Rússar og Þjóðverjar spila um gullið, þjóðverjar vinna, við fáum Frakka í bronsleikinn og vinnum þá aftur...aaaa miklu betri spá en áðan...

þá er bara að sjá hvort þessi spá heldur lengur en hin, en takk fyrir góðar ábendingar Víðir, gott að einhver fylgist með og láti vita þegar ég er farin að bulla einhverja vitleysu. 

Ísland skemmtilegast auðvitað

Við vinnum dani og endum á að spila við Rússa um bronsið og töpum því, Þjóðverjar og Frakkar spila um gullið þar sem þjóðverjar sigra, Pólverjar verða í fimmta sæti. Góð spá, getur ekki klikkað...

Íslendingar með lakasta en skemmtilegasta liðið

Frjálslynd en þó ekki...

Hvað er það eiginlega að vera frjálslynd? Er það ekki að vissu leiti að vera opin fyrir ýmsum breytingum og öðru. svona andstæðan við að vera íhaldssamur, eða hvað ? Ég tel mig ekki vera mjög íhaldssama, nema kannski um ákveðna hluti eins og að borða hangikjöt á jóladag. Ég held þó að ég sé meira í áttina að vera frekar frjálslynd en styð þó ekki frjálslynda flokkinn, frekar er ég nær því að styðja Sjálfstæðisflokkinn sem á þó að teljast íhaldssamur. Ég er kannski bara svona vitlaus og ekki samkvæm sjálfri mér. En ég get ekkert gert að því, við það verð ég bara að lifa. 

Ég hef mikið álit á Margréti Sverrisdóttur og var að vona að hún næði kjöri sem varaformaður flokksins síns, en það varð því miður ekki. Hún er ein af alltof fáum stjórnmálamönnum sem mér þykja trúverðugir og eru ekki bara að segja já og amen við allt og alla í kringum sig. Hinsvegar brá mér frekar við þegar hún gaf það í skyn að ef hún næði ekki kjöri sem varaformaður að þá færi hún jafnvel úr flokknum. Þar kom stór mínus og þykir mér það ekki trúverðugt að gefa svona í skyn. Er frjálslyndi það að boða frjálslyndi en fara svo í fýlu ef maður fær ekki strax það sem maður vill ? Ég hef fulla trú á að Margrét eigi eftir að gera góði hluti í framtíðinni, en hún verður að passa sig að spila rétt úr því sem hún hefur núna. Ef hún ætlar að fara úr flokknum, hefði hún átt að gera það í haust þegar lætin byrjuðu en ekki núna. Ástæðan ætti að vera sú að hún sé ekki sammála stefnu flokksins en ekki bara það að hún fékk ekki það sem hún vill. Fyrst hún hélt áfram í flokknum og tók þátt á Landsþinginu þar sem stefnan var kynnt, hlýtur hún að vera hlynnt þeirri stefnu sem flokkurinn hefur. Þess vegna finnst mér að hún eigi að halda áfram í flokknum og láta til sín taka þar. Ég efast ekki um að hún kemst þar til valda fyrr en seinna og ég hlakka til að sjá meira til hennar. Gæti meira að segja farið svo að þá fengjum við einn flokk sem væri ekki fastur á miðjunni eins og raunin er með flesta eða alla flokka núna. 

En frjálslyndi hlýtur að vera eitthvað gott ef það er tekið inn í hófi og í góðu blandi við íhaldssemi, til dæmis væri ég alveg tilbúin að vera aðeins frjálslynd á jóladag og prófa kannski nýtt salat með hangikjötinu eða sætar kartöflur...geri það næst...ef Margrét verður kyrr í flokknum

Alcan og Alcoa bestu sjálfbæru fyrirtækin

Listi yfir 100 sjálfbærustu fyrirtæki heims var kynntur á heimsviðskiptaráðstefnunni í Davos í Sviss í vikunni. Meðal fyrirtækja á listanum eru Alcan og Alcoa, sem bæði reka álver hér á landi. Umræddur listi byggist á úttektum á 1800 stærstu fyrirtækjum heims. Þar komust þau fyrirtæki að sem talin eru sýna framúrskarandi árangur, ábyrga umhverfis- og samfélagsstefnu og hafa víðtæk efnahagsleg áhrif.

( http://www.mbl.is/mm/gagnasafn/grein.html?radnr=1126845 )

( http://www.alcan.is/?PageID=12&NewsID=181 )

( http://www.alcoa.com/iceland/ic/news/whats_new/2007/2007_01_sustainable.asp )

ó gyðjan...

 

Stakir jakar undir Stigahlíð

sést ei hafa eftir seinna stríð

ef við tæki önnur veðurtíð

tækju þeir sig upp og hyrf’ um hrið

 

Stakir jakar undir Stigahlíð

Ertu KR-ingur ?

Átta ára gamall var Hermann í tíma í Vesturbæjarskóla þar sem eftirfarandi samtal átti sér stað:

Kennarinn: Allir sem eru KR-ingar rétti upp hönd (allir nema Hermann rétta upp hönd)
Kennarinn: Hvað er þetta Hermann. Ertu ekki KR-ingur ?
Hermann: Nei, ég er Fylkismaður þar sem báðir foreldrar mínir eru Fylkismenn.
Kennarinn: Það er ekkert annað, segjum sem svo að báðir foreldrar þínir væru hálfvitar hvað værir þú þá ?
Hermann : Þá væri ég líklegast KR-ingur…

Valkvölin milli valds og vaxtar

Þetta var umræðuefni í skólanum í vikunni. Það var í því samhengi að vera með fyrirtæki í örum vexti en vanta fjármagn. Þá kemur upp sú staða hvort maður eigi að fá fjárfestir eða fjárfesta til að koma inn og kaupa hlut og selja honum/þeim þar með völd til að fyrirtæki manns geti vaxið. 

Annað viðhorf kom þó fram frá manni sem hafði staðið í þessum sporum, það sem aðrir kölluðu að selja völd fyrir vöxt. Hann hinsvegar benti á það að hann hafi allan tímann fengið að ráða, þ.e. hann missti aldrei völdin þó hann ætti ekki nema lítinn hlut í fyrirtækinu sjálfu. Þetta var reyndar mjög sérhæft fyrirtæki þannig að hans þekking var stór hluti af því, af því leiddi að fjárfestarnir leyfðu honum að fara sínar leiðir, enda er þetta mjög stórt fyrirtæki í dag. Hann benti líka á að þetta væri mjög gott að hafa hluthafa sem spyrja sífellt spurninga "af hverju gerir þú þetta svona", "hvenær verður þú búinn með þetta", "af hverju er þetta ekki búið" og svo framvegis. Það varð til þess að hann þurfti alltaf að hafa rök fyrir öllu sem hann gerði en ekki bara að þetta væri tilfinning, hann þurfti líka að vita upp á hár hvenær ákveðin verkefni myndu klárast og gat því ekki hugsað að þetta klárast bara þegar það klárast. Hann sagði að eiginlega væri best að hafa sem leiðinlegasta hluthafa, því þeir eru sífellt að argast í að fá rök fyrir öllu.

Niðurstaðan varð því sú að þessi valkvöl á ekki alltaf við en virðist hinsvegar oftar eiga betur við í stjórnmálunum. Þar berst fólk fram og aftur um völd sem verður svo jafnvel til þess að vöxtur flokksins geldur fyrir. Þyrftu stjórnmálamenn ekki aðeins að hugsa, "hvort vil ég fá völd núna strax og berjast fyrir þeim eða að leyfa flokknum mínum að stækka". Þurfum við ekki stundum að gefa eftir völd fyrir vöxt ? Manneskja sem sér það hjá sjálfri sér að nú sé betra að gefa völd fyrir vöxt, mun vaxa sem manneskja í staðin og þá er líklegra að völdin komi að sjálfu sér seinna.

En bara pæling... 

Alcan - Gleðifréttir

 

Þá vitum við hvað kom út úr skoðanakönnun sem Capacent gerði fyrir Alcan um viðhorf fólks til stækkun Alcan. 51% á móti og 39% með. Aðalástæður þess að fólk er á móti eru sjónmengun og loftmengun.

Þetta kalla ég gleðifréttir og gladdist því ósegjanlega þegar ég heyrði þetta.

Undanfarið hefur nánast eingöngu heyrst frá þeim sem eru á móti stækkun og það hefur heyrst hátt í þeim. Það er mjög gott að fólk láti í sér heyra en af því sem hingað til hefur verið sagt, er allt of margt sem hefur verið fullyrt án þess að fólk kynnti sér málin til hlýtar. Orðatiltækið “Það glymur hæst í tómri tunnu” hefur átt of vel við margar umræðurnar.

Þess vegna trúi ég að stór hluti af þessu 51% hafi verið að taka ákvörðun á röngum forsendum. Nú hinsvegar þegar búið er að ákveða kosningadaginn er mun auðveldara fyrir alla aðila að fara markvisst í það að kynna íbúum Hafnarfjarðar staðreyndir.

Ég trúi því líka að fólk sé það ábyrgt að það taki ekki ákvörðun af tilfinningu heldur eftir staðreyndum. Það er mikil ábyrgð sem fylgir því að standa fyrir lokun álversins í Straumsvík. Það varðar líf þeirra 500 starfsmanna sem vinna í Straumsvík og fjölskyldur þeirra og að auki langt yfir 1000 manns til viðbótar sem eru verktakar og fjölskyldur þeirra.

Mig langar núna til að biðja fólk um að draga djúpt andan og hlusta vel á þær staðreyndir sem eiga eftir að koma betur í ljós á næstu dögum og vikum og taka svo ákvörðun samkvæmt því. Við þurfum ekki að taka ákvörðun fyrr en 31.mars, svo við skulum nýta þann tíma í að lesa okkur til og hlusta á þá sem vita mest um málið. Það er ekki veikleikamerki að skipta um skoðun, þvert á móti, það er styrkleiki og gerir mann að meiri manni að viðurkenna mistök sín og leiðrétta þau.

Ætla að enda á góðum orðum sem rektorinn minn Svafa Grönfeldt sagði: “ Hamingja er það þegar það sem maður hugsar, segir og gerir fer saman “.